Xırdalan bələdiyyəsi 2023-cü ilin ilk 6 ayı ərzində şəhərin inkişafına töhfə vermək istiqamətində davamlı şəkildə və uğurla fəaliyyət göstərib. Qeyd olunan müddət ərzində vətəndaşların, eyni zamanda müxtəlif idarə və təşkilatların müraciətləri cavablandırılıb və ya əlaqədar qurumlara yönləndirilib.

Cari ilin ilk altı ayı ərzində bələdiyyə Xırdalan şəhərindəki Heydər Əliyev adına parkın mühafizə xidməti üçün 8580 manat, bələdiyyə rəhbərliyi və əməkdaşlarının icbari tibbi sığortası üçün 7965,68 manat, silahlı qüvvələrə yardım fondu üçün 2815,59 manat, DSMF üçün 49785,59 manat, işsizlik fondu üçün 1991,42 manat, Abşeron YXO üçün 1020,41 manat, bələdiyyə ofisindəki katreclərinin doldurulması üçün 1500 manat, İdarə üçün kabel avadanlığının çəkilməsi,kompyuter təmir işləri üçün 620 manat, kompyuter, printer,monitor,mobil telefon alınması üçün 1419 manat, internet və telefon haqqı üçün 432,12 manat, aztəminatlı və imkansız ailələrə maddi yardım üçün 3140 manat, bələdiyyə üzv və qulluqçularına verilən təşəkkürnamənin hazırlanması üçün 455 manat, bank və poçt xidmət haqqı üçün 3374,62 manat, poçt xidmət haqqı 3% üçün 13010,75, idarənin elektrik enerji ödənişi üçün 464,3 manat, mavi yanacaq üçün 1000 manat, içməli su və kanalizasiya haqqı üçün 200 manat, dəftərxana ləvazimatı,məktublara marka sifarişi üçün 1925,06 manat, Şəhər Bələdiyyələrinin Milli Assossasiyasına üzvlük haqqı üçün 1200 manat, bələdiyyəyə məxsus xidməti minik avtomobilinin təmiri üçün 1175 manat, bu avtomobilinin sığortası üçün 115,76 manat, avtomobilə yanacaq üçün 1960 manat, audit xidmət haqqı üçün 5000 manat, iaişə xidməti (korporativ yeni il şənliyinin keçirilməsi) üçün 559 manat, 8 Mart Beynəlxalq Qadın Günü münasibəti ilə Xırdalan bələdiyyəsinin üzvü olan xanımlara bayram mükafatının verilməsi üçün 800 manat, səhv köçən pulun geri qaytarılması, müqavilə ləğvinə görə ödənişin qaytarılması üçün 5662,85 manat, ARƏMDKDRX Kadastr yer quruluşu tədqiqat mərkəzi, əmlak dəyəri üçün 1407 manat, “Vision” şirkətinə xidmət haqqı üçün 1062 manat, hüquq torpaq məsələləri, ekspertiza, hərracların təşkili üçün 1161,42 manat, Ramazan bayramı münasibəti ilə bağlı iftar süfrəsinin təşkili üçün 452 manat, Azərbaycan Respublikası Milli Arxiv İdarəsini yanında idarə sənədlərini qaydaya salan mərkəzə xidmət haqqı üçün 1040,68 manat və Xırdalan bələdiyyəsinin inzibati binasının icarə haqqı üçün 4433,85 vəsait xərclənib.

Xırdalan bələdiyyəsi həmçinin, 2023-cü ilin ilk 6 ayı ərzində şəhid, qazi, və aztəminatlıların ailələrinə yeni il, Novruz və Qurban bayramları ilə bağlı ərzaq yardımı üçün 22658,53 manat manat vəsait sərf edib.

Qeyd olunan dövr ərzində Xırdalan bələdiyyəsi ümumilikdə müxtəlif sahələr üzrə 355026,17 manat xərcləyib.

Xırdalan bələdiyyəsi şəhər sakinlərinin problemlərinin həllinə yardım etmək, şəhərin abadlıq-quruculuq işlərində yaxından iştirak etmək üçün daha böyük enerji ilə çalışmaqda davam edir.