Ağahüseyn Cavadov

Ağahüseyn Cavadov

Azərbaycan teatr və kino aktyoru, Azərbaycan SSR xalq artisti (1938) Ağahüseyn Xəlil oğlu Cavadov 22 aprel 1894-cü ildə Bakı qəzasının Xırdalan kəndində anadan olub.

İlk olaraq mollaxanada təhsil alıb, daha sonra 1919-cu ildə “Səadət” məktəbini bitirib.

Sənət fəaliyyətinə Tənqid-Təbliğ Teatrında başlayıb. 

1938-ci ildə yenicə təşkil edilmiş Azərbaycan Dövlət Musiqili Komediya Teatrına dəvət olunub.

1920-ci ilin iyunundan etibarən müəyyən fasilələrlə (arada 1942-ci ilə qədər Bakı Türk İşçi Teatrında və Musiqili Komediya Teatrında da aktyorluq edib) Milli Dram Teatrında işləyib.

Aktyor 60 illik sənət həyatında 200-dən artıq səhnə obrazı yaradıb, 20-yə qədər filmdə komik və ciddi rollar ifa edib.

19 iyun 1981-ci ildə vəfat edib. II Fəxri Xiyabanda dəfn olunub.