Mirəsədulla Mirqasımov
Azərbaycanın
ilk tibb elmləri doktoru (1927), professor (1929), Azərbaycan SSR EA-nın həqiqi
üzvü (1945), Azərbaycan SSR əməkdar elm xadimi (1936), ilk azərbaycanlı alim-cərrah
Mir Əsədulla Mir Ələsgər oğlu
Mirqasımov 17 noyabr 1883-cü ildə anadan olub.
1908-ci ildə gimnaziyanı
bitirib. Gimnaziyanın yuxarı
siniflərində oxuyarkən ictimai fəaliyyətə başlayıb, qəzet və jurnallara
məqalələr yazıb.
1913-cü ildə Odessa şəhərində yerləşən Novorossiya İmperator
Universitetinin (hazırda İ.İ. Meçnikov adına Odessa Milli Universiteti)
tibb fakültəsini bitirib. 1916-cı ilədək Odessada həkim, 1916–1929 illərdə Bakıda hərbi lazaretdə,
indiki Əzizbəyov adına 1 №-li doğum evində cərrah, Azərb. Dövlət
Universitetinin tibb Fakültəsində dosent işləyib.
1945–1947-ci illərdə
Azərbaycan SSR EA-nın ilk Prezidenti olub.
Cərrahlıq sahəsində
Azərbaycan dilində yazılmış ilk dərsliyin müəllifidir.
6 monoqrafiya və dərsliyi, ümumilikdə
50 elmi əsəri nəşr olunub.
20
iyul 1958-ci ildə Bakı şəhərində
vəfat edib. I Fəxri Xiyabanda dəfn olunub.
